سر اللمعه الزجاجيه للخدود عندي

اهلين بنات
************
وعدتكم من كم يوم بنزلكم صوره السر الخطير اللي يخلي خدودك كنها قزازه
زي ماقالوا بعض البنات
بقولكم اول شي شلون اكتشفتها
بالاول كنت بعد مااخلص مكياج اخذ شوي شدو مخملي لون وردي او بيج
واحطه على خدودي وعلى الانف
بعدين فكرت وقلت بسأل اذا كان في شي ممكن يعطيني نفس النتيجه لاني بصراحه خلصت على الشدو المخملي حقي بديت اشتري علبه كامله عشان هاللونين ولغرض اللمعه
سألت اللي يبيع في المحل وطلعلي بودره مخمليه مااخفيكم اول ماشفتها حقرتها
بس قلت باخذها وبجربها
ويوم رجعت البيت جربتها وحسيت انها هي المطلوب
ومن يومها وهي ماتفارقني ابد
بعد كذا لاحظت بنات حواء منجنين يبون يعرفون سر هالمعه الزجاجيه وماخلو شي ماجربوه ...قلت مابدهاااااش ياشمام
اكشفي لهم السر الخطير
بس قبل,,
احب اقولكم يمكن اللي يعجبني مايعجب غيري والناس اذواق
والاهم من كذا...
انا مااخذه الدرجه الورديه
ويمكن ماتناسب الي بشراتهم حنطيه غامقه
يعني كل وحده تسأل وتشوف الدرجه اللي تناسبها
واللي تشتريها وتعجبها ابيها تدعيلي واللي ماتعجبها لاتدعي علي
نجي للتفاصيل عن البودره
اسم الماركه سوزي suzi
رقمها 301 واكرر هالدرجه ورديه اخذتها لانها مناسبتني
سعرها 20 ريال بس يابلاش
واستخدامها على حسب مزاجك في الاماكن اللي تبغينها تلمع,,
وافضل شي تحطينها قبل البلاشر
وهي ثابته مررره وتبقى لحد ماتزيلين كل مكياجك